Վաշինգտոնը պատրաստ է Հրվ. Կորեայում միջուկային զենք տեղակայել
Վաշինգտոնը եւ Սեուլը քննարկում են Հարավային Կորեայում տակտիկական միջուկային զենքի տեղակայման հնարավորությունը, հաղորդում է Deutsche Welle-ն:
Պենտագոնի ղեկավար Ջեյմս Մետիսը հայտնել է, որ Հյուսիսային Կորեայի հետ հակամարտությունում ԱՄՆ-ն մի շարք ռազմական տարբերակների է տիրապետում:
«Կան բազմաթիվ տարբերակներ, որոնցից մենք կարող ենք օգտվել մեր դաշնակիցների համաձայնությամբ, որպեսզի պաշտպանենք մեր դաշնակիցներին եւ մեր սեփական շահերը»,-նշել է Մետիսը:
ԱՄՆ-ի պաշտպանության նախարարը, սակայն, չի մանրամասնել, թե ինչ տարբերակներ կան Հարավային Կորեայի մայրաքաղաք Սեուլը լուրջ սպառնալիքից զերծ պահելու համար:
ԱՄՆ-ում եւ Ճապոնիայում կոչեր են հնչում, որ անհրաժեշտ է խոցել Փխենյանի կողմից փորձարկվող հրթիռները: Մետիսը նշել է, որ դրա անհրաժեշտությունը չկա, քանի որ այդ հրթիռներն առայժմ անմիջական վտանգ չեն ներկայացնում ԱՄՆ-ի եւ նրա դաշնակիցների համար:
Աղբյուր՝ Deutsche Welle
