ՌԴ–ն կշարունակի ջանքեր գործադրել Հարավային եւ Հյուսիսային Կորեաների միջեւ բանակցությունների համար
Հյուսիսային Կորեայի պատվիրակությունը պատրաստ չէ Հարավային Կորեայի ներկայացուցիչների հետ բանակցությունների Միջխորհրդարանական միության 137-րդ վեհաժողովում։
Այս մասին ասել է ՌԴ Դաշնության խորհրդի նախագահ Վալենտինա Մատվիենկոն, փոխանցում է ՏԱՍՍ–ը։
«Հարավային Կորեայի խորհրդարանի նախագահը եւս մեկ անգամ հաստատել է, որ Հարավային Կորեան պատրաստ է բանակցությունների եւ նման մտադրություն է հայտնել նաեւ այստեղ Միջխորհրդարանական վեհաժողովի շրջանակում»,– ասել է Մատվիենկոն Հյուսիսային Կորեայի ազգային ժողովի փոխնախագահ Ան Դոն Չհունի հետ հանդիպման ժամանակ։
«Հյուսիսային Կորեայի հետ երկարատեւ բարդ խոսակցություն է ընթացել, նրանք պատրաստ չեն բանակցությունների հիմա»,– արձանագրել է նա։ Մատվիենկոն նաեւ հայտարարել է, որ Դաշնության խորհուրդը կշարունակի ջանքեր գործադրել խորհրդարանական դիվանագիտության շրջանակում, որպեսզի Հարավային Կորեային եւ Հյուսիսային Կորեային համոզի բանակցություններ սկսել։
News.am