د افغانستان او پاکستان ترمینځ تاجرانوته آسانتیاوې برابریږي
ویل شوي چې د خصوصي سکټورونو د اړيکو د پياوړي کولو لپاره د ګډى خوني لخوا د سوداګرو پر تګ او راتګ باندى هم ټېنګار وشو.
زمونږخبریال راپور راکړ ، د افغانستان د سوداګرئ او پانګونې د کوټې مشرتابه او د پاکستان د سوداګرۍ او صنايعو ګډې خونې مشرتابه په کابل کې د پاکستان له سفير منصور احمد خان سره وکتل.
دوي نن په یوې ګډې اعلامیې کې وئيلي د ي،په دغې ناستې کې د ملګرتیاؤ په پراختیا او د افغانستان او پاکستان ترمینځ په اوږد مهاله او لنډ مهاله سوداګريزو اړېکو بحث شوی.
په بیان کې راغلي، په یاده غونډه کې په افغانستان کې د نوي نظام راتګ د دوه اړخيز اقتصاد د پرمختګ لپاره ښه فرصت وګڼل شو.
ددې ترڅنګ ویل شوي چې د خصوصي سکټورونو د اړيکو د پياوړي کولو لپاره د ګډى خوني لخوا د سوداګرو پر تګ او راتګ باندى هم ټېنګار وشو.
سربيره پردې تخنيکي ستونزې لکه په تورخم او سپين بولدک کې د خالي کنټينرونو د درولو ستونزه، ټعرفوي خنډونه، د بانکونو ستونزې اوداسى نورو مسایلو باندې هم خبرې شوي او پاکستاني لورې ژمنه کړې چې سوداګرو ته به اسانتیا برابروي.
