د پاکستان سفیر او ګلبدین حکمتیار یوبل سره خبرې وکړې
تسنیم خبري اژانس وايي په کابل کښې د پاکستان سفیر او د افغانستان د حزب اسلامي مشر له یوبل سره په کتنې کښې په دغه هیواد کښې د ټولشموله حکومت دجوړولو په هکله بحث او د نظر تبادله وکړه .
په افغانستان کښې د پاکستان سفارت وویل په کابل کښې د اسلام اباد سفیر منصور احمد خان او د افغانستان د حزب اسلامي مشر ګلبدین حکمتیار له یوبل سره په کتنې کښې د دواړو هیوادونو د اړیکو د پراخولو او د پراخ بنسټه حکومت د جوړولو له لارې په افغانستان کښې د سولې ، ثبات او د پرمختګ د زیاتولو لپاره د هڅو په باره کښې خبرې وکړې .
د پاکستان سفیر منصور احمد خان څو ورځې مخکې هم ویلي وو چې له ګلبدین حکمتیار سره یې د دواړو هیوادونو د ورورګلویزو اړیکو او په افغانستان کښې د پایداره سولې په هکله خبرې کړي دي .
دغه کتنه په داسې حال کښې ده چې همدا اوس طالبان په افغانستان کښې واک په لاس کښې لري او په هیواد کښې یې موقته حکومت جوړ کړی دی .
طالبانو ډلې په افغانستان کښې د پراخ بنسټه حکومت د جوړولو ژمنه کړي ده خو تراوسه یې دغه کار نه دی ترسره کړی .
