د ایران له لورې افغانستان ته د بشردوستانه مرستو لېږد
د ایران اسلامي جمهوریت په کابل کې د وروستي چاودنې مجروحینو ته بشري او درملیزې مرستې استولي دي.
د چهار شنبې په ورځ د افغانستان د خارجه وزارت مخې ته د چاودنې له امله په لسګونو کسان مړه او ژوبل شول.
په کابل کې د ایران د اسلامي جمهوریت د سفارت مرستیال سید حسن مرتضوي وویل: په لس ټنه درمل او درې نیم ټنه طبي سامان الاتو بار سي ۱۳۰ ډوله ایرانۍ الوتکه کابل هوایي میدان کې کښېناسته، د ایران اسلامي جمهوریت تل د افغانانو ملاتړ کوي او افغانان په هیڅ ډول حالاتو کې یوازې نه پرېږدي.
په افغانستان کې د طالبانو د حکومت له واکمنېدو وروسته، امریکا د دې هیواد شتمنۍ کنګل کړي چي له امله یې په افغانستان کې اقتصادي حالات کړکېچن شوی دی.
ایران په تېر یو کال کې د خوړو او درملو په لسګونه مرستندویې جوپې افغانانو ته استولې دي.
د ایران د اسلامي جمهوریت په شمول د سیمې یو شمېر هیوادونو افغانستان سره د خپلو په زیاتولو سره، هڅه کوي د افغانانو کړاوونو ته رسېدګي وکړي.
