په مزارشريف کې د نوروز لمانځلو په اړه پرېکړه نه ده شوې
د بلخ د اطلاعاتو او کلتور ریاست د فرهنګی او هنری څانګې مشر ذبیح ا... آریایی وویل په مزارشریف ښار کې د نوي لمریز کال د رارسیدو په مناسبت تر اوسه د نوروز د مراسمو په اړه کومه پرېکړه نه ده شوې.
دافغانستان د بلخ د اطلاعاتو او کلتور رياست چارواکي وايي، چې په مزارشريف کې د نوروز د نمانځلو په اړه تر اوسه کومه پرېکړه نه ده شوې.
افغان غږ خبری آژانس –وایی د بلخ د اطلاعاتو او کلتور ریاست د فرهنګی او هنری څانګې مشر ذبیح ا... آریایی وویل په مزارشریف ښار کې د نوي لمریز کال د رارسیدو په مناسبت تر اوسه د نوروز د مراسمو په اړه کومه پرېکړه نه ده شوې.
خو هغه زياته کړه، چې د بلخ ولايت د اطلاعاتو او کلتور رياست د مشاعرې او نندارتون د جوړولو پلان لري، خو تر اوسه د دې غونډې د جوړېدو نېټه نهايي شوې نه ده.
آريايي ټينګار وکړ چې اوسمهال له بهر څخه هم يو شمېر مېلمانه مزارشريف ته راغلي، خو معلومه نه ده چې د نوروز د پروګرامونو لپاره راغلي دي او که د بلخ ولايت د لرغونو سيمو د ليدنې لپاره.
دا په داسې حال کې ده چې د طالبانو له سلطی مخکې هر کال د نوروز په لومړۍ ورځ د حضرت علي (ع) په زیارت کې د لوړ پوړو دولتي چارواکو په شتون سره دودیز مراسم ترسره کیدل او بیرغ پورته کیدل او د مزارشریف ښار په زړه کې دا بیرغ د څلویښتو ورځو لپاره پورته وو.
