د افغانستان اجرایي مشر عبدالله یو بل والي هم وټاکه
زمونږ خبریال وايي د افغانستان د ولسمشر محمد اشرف غني د ولسمشرۍ د لوړې مراسمو جوړولو ته د یوه () حکم له لارې ځانګړی کمېسیون جوړ کړی.
د دغه حکم له مخې د لوړې د مراسمو د جوړولو کمېسیون ته دنده سپارل شوې چې د دغو مراسمو لپاره په راتلونکو پنځو ورځو کې ټول امنيتي تدابیر او تشریفات بشپړ کړي.
د پروان دولايتي شورا مشر او د لوړې د مراسمو د جوړولو کمېسیون مشر غلام بهاالدين جيلاني ویلي لومړني چمتووالي نيول شوي او ښايي د ولسمشر د لوړې مراسم د کب پر اتمه(8)، یعنی د راتلونکې پنجشنبې پر ورځ جوړ شي.
په ورته مهال د عبدالله عبدالله په مشرۍ د ثبات او همپالنې ټیم شمالي جوزجان ولایت ته خپل والي معرفي کړی.
د دغې ټاکنډلې کسانو د جوزجان د ولايتي شورا غړی عبدالحی حیات د دغه ولایت د والي په توګه معرفي کړی.
خو د سیمه ييزو ارګانونو اداره وايي د دوی ټول واليان په خپلو ادارو کې پر کارونو بوخت دي.
په ورته وخت کې د ثبات او همګرایۍ ټاکنډلې غړي او د جنبش ګوند ویاند بشیراحمد وویل که د دوی غوښتنې ومنل شي خپلو خلکو ته قناعت ورکولی شي.
د ده په خبره خلکو بدلون ته رایه ورکړې وه او غواړي دا بدلون وويني.
عبدالحی حیات د جنرال عبدالرشید دوستم نژدې کس دی.
ښاغلی دوستم په ولسمشریزو ټاکنو کې د عبدالله عبدالله په مشرۍ د ټاکنډلې ملاتړی و.
د عبدالله عبدالله پلویانو وړمه ورځ محمد نور رحماني د سرپل د والي په توګه معرفي کړی و.
د پنجشیر والي هم ویلي چې د عبدالله عبدالله په مشرۍ د هغه په ټکو د "ټولشموله دولت" ملاتړ کوي.
خو د سیمه ييزو ارګانونو خپلواکې ادارې دغو ګمارنو ته په غبرګون کې ویلي په ۳۴ ولایتونو کې واليان په خپلو دفترونو کې په کارونو بوخت دي.
د دغې ادارې ویاند سیدشاه سقیم وايي په سرپل کې د رامنځته شوې ستونزې د حل لټه کوي.
د ولسمشریزو ټاکنو وروستۍ پایلو له ګڼو غبرګونونو سره مخ شوې.
په ځینو ولایتونو کې يې تود هرکلی وشو خو په ځینو نورو کې د عبدالله عبدالله د هغه دريځ ملاتړ وشو چې دغه پایلې یې ونه منلې.
