د بامیان ولایت خلکو د هند اقدامات وغندل
اوا خبري اژانس وايي د افغانستان د بامیان ولایت په سلګونو مسلمانانو د هندوستان د مسلمانانو پرضد د پولیسو ځپونکي اقدامات وغندل .
د افغانستان د بامیان ولایت شیعه مسلمانانو پرون د ښاریزتوب د نوي قانون په تصویبیدا باندې د هندوستان د اعتراض کونکو کسانو پرضد د سرزورو هندوانو او د امنیتي ځواکونو حملې د انسانیت پرضد جنایت وباله .
د افغانستان په مرکز کښې په بامیان ولایت کښې اعتراض کونکو د هندوستان د لومړي وزیر ناریندرا مودي د عسکونو په سوځولو سره د نوي ډیلي حکومت د مسلمانانو په ځپلو تورن کړ او په نړیوالو ټولنو یې غږ وکړ چې د مسلمانانو د ځپلو مخه دې ونیسي .
د افغانستان د بامیان ولایت شیعه مسلمانانو وویل په هندوستان کښې د مسلمانانو وژله د هیڅ مسلمان لپاره د زغملو وړ کار نه دی او اسلامي هیوادونه باید د مسلمانانو د جوماتو د ړنګولو او د مسلمانانو د وژلې کیدا په هکله چپ پاتې نشي .
د بامیان ولایت خلکو د افغانستان په حکومت غږ وکړ د هندوستان د مسلمانانو د وژلې تر دریدا پورې له نوي ډيلي سره ډيپلوماټیکې اړیکې غوڅې کړي .
د ښاریزتوب د نوي قانون په تصویبیدا او د امریکا د ولسمشر ټرمپ په سفر اعتراض کونکو مسلمانانو باندې د هندوستان د متعصبو هندوانو او حکومتي عسکرو په وروستیو بریدونو کښې تراوسه دوه څلویښت (۴۲) کسان وژل شوي او درې سوه (۳۰۰) نور ژوبل شوي دي .
