افغانستان د خارجي عسکرو د وتلو په هکله اندیښنه نه لري
تسنیم خبري اژانس وايي د افغانستان ولسمشر اشرف غني وویل حکومت د امریکا د پوځیانو د وتلو په هکله هیڅ اندیښنه نه لري .
هغه پرون ټینګار وکړ له افغانستان څخه د امریکا په مشرۍ د بهرنیو عسکرو په وتلو سره حکومتي پوځیان د هیواد د امنیت د تامینولو توان لري .
د افغانستان ولسمشر اشرف غني دغه راز ډاګینه کړه طالبان د خلکو یوه(۱) برخه ده او په هغو سترګې نشو پټولای نو ضروري ده چې د طالبانو په ګډون سره سیاسي حل لاره ولټوو.
هغه هیله وکړه د افغانستان د حکومتي بندیانو او د طالبانو د زندانیانو د ازادیدا د بهیر په بشپړیدا سره بین الافغاني خبرې اترې پیل شي .
د افغانستان د دفاع وزارت د ویاند مرستیال فواد امان هم څه موده مخکې له خپل هیواد څخه د امریکا او د ناټو د عسکرو وتلو ته په غبرګون کښې ویلي وو امنیتي ځواکونه د هر ډول ګواښ په وړاندې د خلکو د دفاع او د امنیت د تامینولو توان او ظرفیت لري .
هغه وویل د افغانستان امنیتي او دفاعي عسکرو د تیرو لسو (۱۰)کلونو په پرتله د پام وړ وده کړي ده .
د امریکا او د طالبانو ترمینځ د ماتي خوړلي موافقې پراساس چې څلور (۴) میاشتې مخکې په قطر کښې لاسلیک شوي وه د امریکا پوځیان باید په څوارلسو (۱۴) میاشتو کښې له افغانستان څخه ووځي .
