افغانستان کښې د حسیني تاسوعا مراسم روان دي
-
فایل فوټو
د افغانستان خلکو د محرم په نهمه ورځ د حسیني تاسوعا دستورې ولمانځلې.
د امنیتي ګواښونو سره سره د حضرت ابا عبدا... الحسین علیه السلام ماتمیانو د افغانستان په مختلفو سیمو کښې په جوماتونو او امامباړو کښې د تاسوعا د ورځې مراسم ترسره کړل او نوحه خواني یې وکړه.
مداحي، نوحې او د شهیدانو د سید او سالار د پاڅون د اهدافو او تعلیماتو او هم داشان د کربلا په دشته کښې د شهیدانو د مظلومیت په هکله د علماؤ او خطیبانو ویناوې په افغانستان کښې د حسیني عزادارانو د تاسوعا د ورځې ځینې پروګرامونه وو.
نن هم داشان د پلازمینې کابل په سړکونو باندې هم حسیني ولوله ترسترګو کیدله او په جوماتونو، امامباړو او مذهبي ځایونو باندې لګیدلو تورو بیرغونو او پردو د خلکو پام ځانته اړوه.
په افغانستان کښې خرابو امنیتي حالاتو ته په پام سره د تاسوعا د عزادارۍ مراسم تر سختو امنیتي تابیاؤ لاندې ترسره شول.
