د جنګونو ختمیدل د سولې په خبرو کښې مهم رول لري
زمونږ خبریال وايي د افغانستان د ملي روغې جوړې د لوړې شورا مشر عبدالله عبدالله د قطر په پلازمینې دوحې کښې له طالبانو ډلې سره د خبرو اترو نتیجې ته رسیدل په دغه هیواد کښې د جنګونو له ختمیدا سره مشروطه کړل .
عبدالله عبدالله پرون پاکستان ته د خپل درې (3)ورځني سفر په پاې کښې په افغانستان کښې د جنګونو د ختمیدا په ضرورت ټینګار سره وویل له طالبانو سره د خبرو اترو بریالیتوب چې په قطر کښې روانې دي د نښتو له بندیدا سره اړونده دی .
د افغانستان د ملي روغې جوړې د لوړې شورا مشر عبدالله عبدالله وویل په هیواد کښې د امنیت ټینګیدا د حکومت او د خلکو اولنی لومړیتوب دی .
هغه جوته کړه افغانستان او پاکستان د افغانستان د کړکیچ د حل لپاره ګډ نظر لري .
د افغانستان د حکومت او د طالبانو ترمینځ د سولې خبرې اترې د سپتمبر د میاشتې له دولسمې (۱۲) نیټې راهسې د قطر په دوحې کښې پیل شوي دي خو دواړه لورې تراسه نه دي توانیدلي په هیواد کښې د جنګونو د ختمیدا او د سولې په هکله موافقې ته ورسیږي .
