د یمن او د عراق مقاومت ځواکونو په اسرائیلو باندې بریدونه وکړل
مهر خبري اژانس راپور راکړی د یمن د وسله والو ځواکونو ویاند یحیی سریع د صهیونیسټ رژيم په مرکزونو باندې د عراق له اسلامي مقاومت سره د دوو ګډو عملیاتو خبر ورکړ.
هغه په یوې بیانیې کښې ټینګار وکړد یمن ځواکونو د عراق له اسلامي مقاومت سره په دوو ګډو عملیات کښې په تل اویو او نیواکي عسقلان سیمه کښې په پوځي هدفونو باندې برید وکړ.
د یمن د پوځ ویاند یحیی سریع وویل: دغه دوه عملیات په دوو بې پایلوټه الوتکو سره وشول او دغه بې پایلوټه الوتکې وتوانیدلې د صهیونیسټ رژیم د پوځ له توغندوي ضد سیسټمونو څخه تیر شي او په بریالیتوب سره په خپلو هدفونو باندې ولګیږي.
د یمن پوځ په غزې تړانګه کښې د فلسطین د ملت د ملاتړ لپاره په سره سمندر او باب المندب اوبلاره کښې د صهیونیسټ رژيم او یا دغه رژیم ته په څو تلونکو کشتیو باندې بریدونه کړي دي او څو ځله یې هم په نیواکي فلسطین کښې د نیواکګرو اسرائیلو په مرکزونو حملې کړي دي.
