له صهیونیستي رژیم پورې اړونده یوه بله کشتۍ هم ښکار شوه
د یمن وسلهوالو ځواکونو په یوې بیانیې کې ویل شوي دي چې د صهیونیستي رژیم پورې تړلې یوه بله کشتۍ ئې هم په نښه کړې ده.
زمونږ خبریال د ایکنانیوز له قوله راپور ارکړ، د یمن وسلهوالو ځواکونوویندوي جنرال یحیی سریع په یوې اعلامیې کې ووئيل؛ چې د ETERNITY C کشتۍ، چې د فلسطین نیواکي ټاټوبي امالرشراش بندر په لور روانه وه، د یمن د پوځ د یوې بېپیلوټه الوتکې او شپږو ګائيډیډ او بالسټیک توغندیو په کارولو سره په شیشت کې راوستل شوي او تباه کړئ شوې ده.
د یمن د وسلهوالو ځواکونو ویاند وویل: دا عملیات په بشپړه توګه ثبت او مستند شوي دي او ETERNITY C کشتۍ په بشپړه توګه ډوبه شوه. زمونږ د سمندري ځواکونو مبارزانو د کښتۍ یو شمېر کارکوونکي وژغورل اوبیائې له طبي خدمتونو وروسته خوندي ځای ته منتقل کړل.
د یمن د وسلهوالو ځواکونو په بیانیې کې ویل شوي چې دا کشتۍ وروسته له دې په نښه شوه چې هغه شرکت، چې دا کشتۍ ئې لېږلې وه، د منع شوي قانون له پامه غورځولو سره د امالرشراش بندر سره ئې خپله ملګرتیا بیا پیل کړه.
دا کښتۍ د یمن د سمندري ځواکونو خبرداریو ته پاملرنه ونه کړه، نو له همدې امله په نښه شوه.
په بیانیه کې ټینګار شوی چې دا عملیات د مظلوم فلسطیني ملت په ملاتړ او د فلسطیني جنګیالیو د جهاد د ملاتړ لپاره ترسره شوي دي.
