له ټرمپه د امریکایانو ډیر زیات خپګان تاریخي ریکارډ ته ورسېد
-
د امریکا کرغیړن ولسمشر ډونالډ ټرمپ
پارس ټوډې – د سياېناېن خبری چینل یوه شنونکي ووئیل چې د ټرمپ د کړنو په اړه د « د ډير خپګاه » کچه تاریخي ریکارډ ته رسېدلې ده.
د پارس ټوډې د تسنیم خبري اژانس په حواله راپور ورکړی،د سياېناېن د معلوماتو لوړپوړي شنونکي هري انتن و ئیلي دي،د ډونالډ ټرمپ د کړنو په اړه د « ډيرو خپګانونو» کچه د منځمهاله ټاکنو په درشل کې تاریخي ریکارډ ته رسېدلې ده.
د انتن په وینا، اوس ۵۰ فیصده امریکایان د ټرمپ له کړنو ډیر زیات خپه دي؛ دا کچه د هغه پخوانی ۴۵ سلنه ریکارډ چې د ۲۰۱۸ کال د منځمهاله ټاکنو څخه مخکې ثبت شوی و، شاته پرېږدي. تر دې مخکې، تر ټولو لوړه ثبت شوې کچه د جورج ډبلیو بوش وه چې د ۲۰۰۶ کال د منځمهاله ټاکنو په درشل کې ۴۱ سلنه وه.
دا په داسې حال کې ده چې د امریکا د ولسمشر ډونالډ ټرمپ محبوبیت د رویټرز او ایپسوس په نوې نظرپوښتنې کې ۳۲ فیصدو ته راټیټ شوی، چې د هغه د سیاسي فعالیتونو په دوران کې تر ټولو ټیټه ثبت شوې کچه ده.
دغه نظرپوښتنه همدارنګه ښئي چې یوازې ۳۴ سلنه امریکایان پر ایران د امریکا له بریدونو ملاتړ کوي او ۸۲ فیصده باور لري چې دغه شخړه به ښائي د اوږدې مودې لپاره دوام وکړي.
دا په داسې حال کې ده چې رویټرز راپور ورکړی،د ایران په ضد د جنګ له امله د سونګو توکو د بیّو لوړېدو په امریکا کې د ژوند د لګښتونو په اړه خپګانونه نور هم زیات کړي دي .
