سردار قاآني او اسماعیل هنیه د غزې د بدلونونو په هکله خبرې اترې وکړې
سردار اسماعیل قاآني پرون له اسماعیل هنیه سره په ټیلیفوني خبرو کښې د غزې د وروستیو بدلونونو جاج واخیسته.
د اسلامي انقلاب د سپاه پاسداران د قدس ځواک قومندان د ټیلیفون پر مټ د فلسطین د اسلامي مقاومت د غورځنګ (حماس) د سیاسي دفتر له مشر اسماعیل هنیه سره د غزې د وروستیو بدلونونو په هکله خبرې اترې وکړې.
سردار اسماعیل قاآني پرون له اسماعیل هنیه سره په ټیلیفوني خبرو کښې د غزې د وروستیو بدلونونو جاج واخیسته.
سردار قاآني په دغه ټیلیفوني اړیکه کښې د صهیونیسټي دښمن تیري ته د مقاومت کامیاب او منفرد ځواب او د فلسطین له ولسه دفاع وستایله.
سردار قاآني هم داشان د قدس د نیواکګر رژیم وحشي توب وغنده.
په دغو ټیلیفوني خبرو کښې اسماعیل هنیه هم وویل چې د قدس جګړه د فلسطیني ولس د ټولو اولادونو جګړه ده او هم داشان یې د فلسطین له ولسه په ملاتړ کښې د ایران دریځ وستایه.
سردار اسماعیل قاآني بیګا هم داشان د فلسطین د اسلامي جهاد غورځنګ له عمومي منشي زیاد النخاله سره هم ټیلیفوني خبرې وکړې.
د سپاه پاسداران د قدس ځواک قومندان او د فلسطین د اسلامي جهاد غورځنګ سیکتر په دغو خبرواترو کښې په نیواکي ټاټوبي کښې د نښتو د وروستیو بدلونونو په هکله د نظر تبادله وکړه.
د فلسطیني مقاومت او صهیونیسټي رژيم ترمینځ دا نښته په قدس او مسجدالاقصی کښې د دغه رژيم د تیریو د ختمولو د ضرورت په هکله تل ابیب ته د مقاومت د الټي میټم له ختمیدو وروسته پیل شوې ده.
امریکا او زیاتره اروپايي هیوادونه د فلسطین د خلکو د وژلو په لړ کښې د صهیونیسټي رژیم ملاتړ کوي.
