د ایران د کورنیو چارو وزیر په ځینو هیوادونو نیوکه وکړه
ایسنا خبري اژانس وايي د ایران د کورنیو چارو وزیر احمد وحیدي د نشه ییزو موادو له قاچاق سره د مبارزې په زمینه کښې د ځینو هیوادونو په منفعل کیدا نیوکه وکړه .
احمد وحیدي په تهران کښې د دیره نړیوالو موسسو د دفترونو له مشرانو او د نړۍ د پینځوشپیتو (۶۵) هیوادونو د سفیرانو په غونډې کښې د نشه ییزو موادو قاچاق ، پراخه مهاجرتونه ، منظم جرمونه ، د شیانو قاچاق او ترهګر فعالیتونه د هیواد د امنیت او د نظم د ساتلو په برخه کښې د ایران د کورنیو چارو د وزارت د چیلنجونو په توګه یاد کړل .
د ایران د کورنیو چارو وزیر احمد وحیدي افغانستان ته د امریکا له ورتلو وروسته په تیرو شلو (۲۰) کلونو کښې په دغه هیواد کښې د نشه ییزو موادو د تولید څو برابره زیاتیدا ته په اشارې سره وویل د نشه ییزو موادو دومره زیات تولیدول او صادرول په افغانستان کښې د امریکا د شتون په وجه دي او امریکا باید په دې هکله ځواب ورکړي .
هغه ټینګار وکړ بې شکه که چیرې ایران د نشه ییزو موادو د قاچاق مخه نه نیولی نو دغه نشه ییز مواد به اروپا او د دنیا نورو هیوادونو ته وړل کیدل .
احمد وحیدي وویل د ایران اسلامي جمهوریت باید په یوازې ځان له نشه ییزو موادو سره د مبارزې ستر پیټي په اوږو وانخلي او نور هیوادونه هم باید په دې زمینه کښې له ایران سره مرسته وکړي .
د ایران د کورنیو چارو وزیر احمد وحیدي وویل په ایران کښې د افغانستان کابو درې نیم میلیونه افغان وسیږي او هغه سب سیډیانې چې د ایران خلکو ته ورکول کیږي د افغانستان کډوالو ته هم ورکول کیږي .
