سمندرونه او اوقیانوسیې نور د امریکا د نفوذ ساحې نه دي
زمونږ خبریال وايي د ایران د اسلامي انقلاب د سپاه پاسداران د سمندري ځواک قومندان امیر البحر علیرضا تنګسري وویل سمندرونه او اوقیانوسیې نور د امریکا د نفوذ ساحې نه دي .
هغه په دې خبرې باندې ټینګار سره چې اوقیانوسیې او سمندرونه نور د امریکا د نفوذ ساحې نه دي وویل مونږ خپلې روزنې او د تجهیزاتو او د توغندیو واټن ورځ تر بلې زیاتوو او ځانونه د هر ګواښ لپاره چمتو کوو .
د ایران د سپاه پاسداران د سمندري ځواک قومندان امیر البحر علیرضا تنګسري دغه راز د امریکا لخوا د کشتۍ تښتولو ته په اشارې سره چې د ایران د تیلو د غلا کولو نیت یې درلود وویل هغه کشتۍ چې مونږ ودروله د ایران وه او امریکا د تیلو د کشتۍ په تښتولو سره خلاف ورزۍ کړي وه او امریکا له لیرې څخه دغه کشتۍ څارله او اجازه یې نه ورکوله چې څوک ورته نږدې شي .
هغه وویل امریکا له لیرې څخه تماشه کوله او د امریکا پوځيانو په بې پایلوټه الوتکو سره دغه تماشه کوله او سمدستي د امریکا دوې (۲) جنګي بیړۍ د عملیاتو سیمې ته راغلې او جنګي چمتووالی یې وښود خو د ایران عسکرو دغو جنګي کشتیو ته خبرداری ورکړ خو هغوې خبرداریو ته لږ شان بې پامۍ وکړه او زمونږ کشتۍ د امریکا د دغو جنګي بیړو شل (۲۰) میټرو ته ورغلې او د امریکا جنګي بیړۍ په کامل ډول ودریدلې .
علیرضا تنګسري دغه پوښتنې ته په ځواب کښې چې ولې د امریکا جنګي بیړیو په مقابل کښې په څو کوچنیو کشتیو سره د ایران مقابله وشوه ؟ټینګار وکړ مونږ غوښتل د امریکا عسکرو ته ووایو که تاسو زور وکړې او ډزې مو وکړې نو بیا به زمونږ توغندي او راکټونه وګورئ .
