د خراسان رضوي او هرات د اقتصادي کمیټې غونډه
د ایران د خراسانِ رضوي د والي د ځانګړي استازي او د هرات د والي د استازي ترمینځ ګډه اقتصادي غونډه په دوغارون سرحد کښې ترسره شوه
د ایران د تایباد ولسوال او د خراسانِ رضوي د والي ځانګړي استازي مهدي دونده په دې هکله وویل: د ۲۰۲۲ کال په نومبر کښې په شوې هوکړې کښې د مطرح شویو موضوعاتو د تعقیبونې په هدف سره چې د افغانستان د هرات ښآر په کوربه توب د خراسانِ رضوي د اقتصادي فعالانو په پنځمې ګډې غونډې کښې تصویب شوي وو، د دوغان په سرحدي اډه کښې هم یوه غونډه ترسره شوه.
هغه زیاته کړه: په دې غونډه کښې یوه ډیره مهمه مطرح شوې موضوع، د دواړو هیوادونو اقتصادي فعالانو ته د ښو خدماتو د ورکړې او د خدماتو د اصلاح په موخه د دوغارون او افغانستان په اقتصادي بوله کښې د ستونزو ختمول وو.
د هرات د والي استازي عبدالحي شاکر هم د خراسانِ رضوي ولایت له مرستیال والي سره د غونډې ترڅنګ څرګنده کړه: د معلومو اهدافو او پلانونو په لرلو سره کوشش کوو چې په دواړو هیوادونو کښې د مختلفو اقتصادي او مسافري برخو مشکلات هوار کړو.
د ایران خراسانِ رضوي ولایت له افغانستان سره ۳۰۲ کیلومیټره ګډه پوله لري او په دغې لیکې پرتې تربتِ جام، صالح آباد، تایباد او خواف ولسوالۍ له افغانستان سره ګاونډ لري.
