د ایران او عربستان د اقتصادي ملګرتیاؤ د پیاوړتیا د لاروچارو څیړنه
د ایران او عربستان د اقتصادي ملګرتیاؤ د پیاوړتیا او پراختیا لارې چارې، د ایران او عربستان د اقتصاد او مالیې د وزیرانو په کتنه کښې وجاجولې شوې.
د ایرنا د خبر له مخې، د ایران د اقتصادي چارو او مالیې وزیر سید احسان خاندوزي او د سعودي عربستان د مالیې وزیر محمد الجدعان پرون د اسلامي پراختیا بانک د کلنیزې غونډې ترڅنګ ملاقات وکړ او د تهران او ریاض ترمینځ د اقتصادي ملګرتیاؤ د پراختیا او پیاوړتیا د لاروچارو په هکله یې د نظر تبادله وکړه.
د ایران د اقتصاد او مالیې وزیر په دې خبرې سره چې د ایران د حکومت سیاست له ګاونډي هیوادونو سره د اړیکو په مضبوطیا باندې ولاړ دی، وویل: د ایران او عربستان د اقتصادي اړیکو پراختیا د دواړو لورو لپاره ګټه وره ده او هم داشان د سیمې د هیوادونو په ګټه ده.
خاندوزي څرګنده کړه چې د ملګرو هیوادونو په مینځګړیتوب سره د ایران او عربستان موافقه به، د دواړو هیوادونو ترمینځ تجارتي او د پانګونې فرصتونه زیات کړي.
