د ایران خارجه وزیر:
پاکستان سره د ګډو پروژو د ترسره کولو بهیر پیل شوی
د ایران خارجه وزیر پاکستان سره د ګډو سرحدي بازارونو او دې هیواد ته د برق د صادرولو د پروژې پرانیستلو ته په اشارې سره، اعلان وکړ چي د دواړو هیوادونو تر مینځ د ګډو پروژو بهیر پیل شوی دی.
تېرو ورځو کې د ایران او پاکستان تر مینځ ګډ پوله ایز بازار د ایران د اسلامي جمهوریت د ولسمشر سید ابراهیم رئیسي او د پاکستان د لومړي وزیر شهباز شریف په حضور سره، پرانیستل شو، دغه مراسمو کې همدارنګه پاکستان ته د برق د صادرولو لپاره د تاسیساتو د جوړولو پروژه هم پرانیستل شوه.
د ایران خارجه وزیر حسین امیر عبداللهیان یادو پروژو ته په اشارې سره، د ایران او پاکستان ترمینځ د سرحدي سیمو پرمختګ د دواړو هیوادونو په ګټه وباله.
د ایران او پاکستان تر مینځ شپږ سرحدی بازارونه د جوړېدو په حال کې دي، د دغو پروژو هدف د دواړو هیوادونو تر مینځ د اقتصادي همکاریو او د سوداګریو پراختیا بلل شوی دی.
