په غزې تړانګې دې اسرائيلو نسل وژونکي حملې ودورل شي
د ایران د اسلامی جمهوریت د خارجه وزارت سرپرست د ملګروملتو دعمومی اسمبلۍ له مشر سره په کتنې کې په غزې تړانګې کې د فلسطین دمظلومو خلکو په ضد د وحشي صهیونیسټي رژیم د نسل وژنې د حملو د دریدا لپاره د اغیزشیندونکو هڅو د زیاتولو غوښتنه و کړه.
زمونږخبریال راپور راکړ ، دایران د خارجه وزارت سرپرست علی باقری کني چې د فلسطین او څو اړخیز پالنې په باب د ملګروملتو د امنیت شورا په ناستې دګډون لپاره نیویارک ته تللی ، د عمومی اسمبلۍ له مشر ډینس فرانسیس سره په کتنې کې ئې په غزې تړانګې د صهیونیستي رژيم دغیر انساني حملو پشمول د سیمه ایزو او نړیوالو مسئلو په باب خبرې اترې وکړې.
د ایران خارجه وزیر د غزې او فلسطین وروستیوبدلونونو او د څاروي ډوله صهیونیسټي رژيم ترټولو وروستیو جنایتونو ته په اشارې سره د فلسطین د مظلوم ولس په نسل وژنې کې د صهیونیسټي رژيم دجنایتونو او د غزې تړانګې د خلکو په ضد دحملو ددریدا لپاره د اغیزشیندونکو هڅو پر زیاتیدا ټينګار وکړ.
د ملګروملتو د عمومی اسمبلۍ مشر هم په سیمې کې د امنیت اوثبات په تامینیدا په تیره بیا له یواړخیز پالنې سره په مقابلې کې د اغیزشیندونکو اقداماتو په دوام کې د ایران رغنده رول په قدرونې سره هیله وښودله دغه ډول هڅې حتما مثبتې نیتجې ته ورسیږي.
د ایران د خارجه وزارت سرپرست پرون دیوه پلاوي په مشرۍ دفلسطین په باب او همداراز د څو اړخیز پالنې په زمینې کې د امنیت شورا په غونډو کې د ګډون لپاره نیویارک ته تللی دی.
دواړه ناستې د روسیې د خارجه وزیر سرګئ لاؤروف په مشرۍ سره چې هیواد ئې د امنیت شورا پړاویزه مشري په غاړه لری، ترسره کیږي
