په ایران کې د ولسمشرۍ د انتخاباتو د نوماندو د صلاحیت د جاج پیل
د ایران د اساسی قانون د ساتندویه شورا ویندویی وویل : د ولسمشرۍ په انتخاباتو کې د نوماندو کسانو د صلاحیت په باره کې رسمی جاج له پرونه پیل شو.
زمونږ د خبریال د راپور له مخې عباسعلی کدخدایی پرون په دې بیان سره چې د قانون له خې د نوم لیکونو له ختمیدو وروسته د دغه کار لپاره پینځه ورځې فرصت شته دی وویل هیله من یو چې په همدغه لومړی فرصت کې د کسانو د صلاحیت د جاج په باره کې نتیجه اعلان کړو.
دساتندویه شورا ویندویی وویل : د انتخاباتو په هر پړاو کې که د چا صلاحیات منل شوې وی او که رد شوی په راتلونکو انتخاباتو کې یې صلاحیت بیا جاجول کیږی.
په ایران کې دانتخاباتو د کمیټې مشر علی اصغر احمدی د ولسمشرۍ د انتخاباتو د نوماندو د نوم لیکنې په پای کې خبریالانو ته وویل ټوټل یو زره اته څلویښتو کسانو نومونه لیکلې دی چې پکې یو اویا ښځې او باقی سړی دی.
د ایران د ولسمشرۍ د لسم پړاو انتخابات د ښارونو او کلیو د اسلامی شوراګانو له انتخاباتوسره په یو وخت د روان کال د مئ په نولسمه ترسره کیږی.
