د ایران د راډیو او ټیلیویژن د ادارې مشر د حزب الله له عمومي منشي سره وکتل

د ایران د اسلامي جمهوریت د راډیو او ټیلیویژن د ادارې مشر او د لبنان د حزب ا... غورځنګ عمومي منشي په بیروت کښې د سیمې د بدلونونو په هکله خبرې اترې وکړې.

زمونږ خبریال رپورټ راکړی چې عبدالعلي علي عسکري او سید حسن نصر ا... نن په دغې کتنې کښې د سوریې، عراق او لبنان د میداني بدلونونو او د مقاومت جبهې د وروستیو بریاو په هکله سلامشورې وکړې.

د ایران د راډیو او ټیلیویژن د ادارې مشر او د لبنان د حزب ا... عمومي منشي په دغه کتنه کښې همداشان د مقاومت په جبهه کښې د رسنیو رول ته په اشارې سره ټینګار وکړ چې د میداني ځواکونو په خوا کښې د مقاومت د جبهې د رسنیو شتون په دې وروستیو بریاو کښې ډیره اغیزه لرلې ده.

عبدالعلي عسکري تیره دوشنبه سوریې ته له سفر وروسته د لبنان له ځینو رسندوي او سیاسي مسئولانو سره د کتنې لپاره بیروت ته تللی دی.