د ایران خارجه وزیر پاکستان ته ځي

د ایران د بهرنیو چارو وزیر د آسیايي سلامشورو په دوام کښې سبا پاکستان ته سفر کوي.

محمد جواد ظریف به پاکستان ته په خپل سفر کښې د دغه هیواد له لوړ رتبه چارواکو سره ملاقاتونه وکړي او د مهمو دوه اړخیزو، سیمه ایزو او نړیوالو مسائلو په هکله به ورسره خبرې اترې وکړي.

د ایران د بهرنیو چارو وزیر د روانې مۍ میاشتې له دولسمې نیټه څخه خپل پړاویز سفر له ترکمنستانه پيل کړی او بیا هندوستان، جاپان او چین ته لاړ او د هم دغې میاشتې په اتلسمه نیټه تهران ته راستون شو.