سپاه پاسداران په فارس خلیج کښې پریکنده عمل کوی
-
د انګلستان دتیلو کشتۍ سټینا ایمپرو په تیرې جمعې ورځې د سمندري مقرراتو او دقوانینو پرخلاف خپله موقعیت پیژندونکي دستګاه ګل(خاموشه) کړي وه .
زمونږ خبریال وایی د ایران داسلامی انقلاب دسپاه پاسداران ځواک ویاند برید جنرال رمضان شریف وویل د سپاه پاسداران سمندری ځواکونه د ایران له نورو وسله والو ځواکونوسره یوځاې د نړیوالو جاری قوانینو او په فارس خلیج او هرمز اوبلاره کښې د ایران په سمندری قلمرو کښې د ملی واکمنۍ په اعمالولو کښې پریکنده عمل کوی .
هغه پرون د ځینو پردیو هیوادونو دکشتیو د متکبرانه ، لسمونکو او له ګواښ څخه د ډکو کړچارونو په هکله په خبرداری سره وویل د انګلستان دتیلو کشتۍ سټینا ایمپرو په تیرې جمعې ورځې د سمندری مقرراتو او دقوانینو پرخلاف خپله موقعیت پیژندونکی دستګاه ګل(خاموشه) کړی وه او په هرمز اوبلارې کښې فارس خلیج ته د ننوتلو لپاره د حرکت پرځاې په جنوب کښې له خروجی لارې د ورننوتلو په حال کښې وه .
دایران داسلامی انقلاب دسپاه پاسداران ځواک ویاند برید جنرال رمضان شریف ډاګینه کړه د انګلستان دتیلو کشتۍ د سپاه پاسداران دسمندر ځواک خبرداریو او تذکر ته له بې پامۍ او حتی مقاومت کولو او د انګلستان د سمندری ځواک د کشتۍ له لاسوهنې او د دوو(۲) هیلی کوپټرونو له الوتلو او دخپل ماموریت له اجرا څخه د سپاه پاسداران ځواک د کومانډو ځواکونو د منع کولو لپاره له هڅې وروسته دایران د ځواکونو په پریکندوالی او دعمل په سرعت سره ونیول شوه .
