په 33 ورځنی جنګ کښې اسرائیل له مینځه تله
-
اسرائیل مجبوره شو د لبنان دحزب الله غورځنګ شرطونه او اوربند ومني او د حزب الله لپاره ډیر ستر بریالیتوب رامینځته شو .
زمونږ خبریال وایی د ایران داسلامی انقلاب د سپاه پاسداران د قدس ځواک قومندان برید جنرال قاسم سلیمانی له صهیونیسټ رژیم سره د لبنان دمقاومت دغورځنګ حزب الله د درې دیرش (۳۳) ورځنی جنګ د جزیاتو په بیانولو سره وویل که چیرې دغه جنګ نه بندیدلی نو د اسرائیلو پوځ دړې وړې کیده .
هغه د ایران داسلامی انقلاب دستر لارښود د حفظ او دنشر د دفتر له اینټرنیټ پاڼې سره په مرکه کښې چې په تیرې سه شنبې ورځې خپره شوه دلبنان پرضد د اسرائیلو د درې دیرش (۳۳) ورځنی جنګ د رامینځته کیدا د زمینو په هکله وویل په عراق کښې د امریکا شتون او هغه رعب او ویره چې په سیمه کښې یې رامینځته کړی وه د عربو هیوادونو چمتووالی او له صهیونیسټ رژیم سره د دغو عربو هیوادونو د پټې ملګرتیا اعلانول او له حزب الله څځه د خلاصون لپاره له دغه فرصت څخه د ګټې د پورته کولو لپاره داسرائیلو رژیم هدفونه د دغه جنګ د پیلولو لپاره درې (۳) پټ هدفونه وو .
د ایران داسلامی انقلاب د سپاه پاسداران د قدس ځواک قومندان برید جنرال قاسم سلیمانی په لبنان باندې د صهیونیسټ رژیم د حملې له اوو(۷) ورځو تیریدا وروسته د اسلامی انقلاب له ستر لارښود حضرت ایت الله العظمی سیدعلی خامنه ای په شتون سره دهیواد د لوړرتبه چارواکو د غونډې دجزیاتو په بیانولو سره وویل د مشر تابه ستر مقام ددغه غونډې په پاې کښې او زما د راپور له اوریدا وروسته وفرمائیل ما داسې فکر کاوه چې ددغه جنګ بریالیتوب به د خندق د جنګ د بریالیتوب په شان وی .
هغه لبنان ته خپلې ستنیدا او د حزب الله مشر حسن نصر الله ته د ایران داسلامی انقلاب دستر لارښود د نظرونو او دسپارښتنو انتقالولو ته په اشارې سره وویل دغو پیغامونو په حزب الله غورځنګ کښې نوی سا ورپوه کړه او دلبنان دمقاومت ځواک ډاډمن شو چې په دغه جنګ کښې بریالی دی .
د ایران داسلامی انقلاب د سپاه پاسداران د قدس ځواک قومندان برید جنرال قاسم سلیمانی په درې دیرش (۳۳) ورځنی جنګ کښې د لبنان د حزب الله غورځنګ د ځینو تاکتیکونو په بیانولو سره وویل دنورو جنګونو په اپوټه چې پکښې یو(۱) مخکې سنګر وی دغه جنګ هیڅ مخکې سنګر نه درلود او هره نقطه یې یو(۱) سنګر وو.
د ایران دغه لوړرتبه پوځی چارواکی صهیونیسټ رژیم ته د لبنان دحزب الله غورځنګ د ګوزارونو دورکولو په هکله د حسن نصر الله له وینا سره په یووخت د اسرائیلو په جنګی کشتۍ د مقاومت د لومړنی سمندری توغندی ویشتلو او د دغه رژیم دعسکرو ایستلو ته اشاره وکړه .
قاسم سلیمانی د لبنان پرضد د اسرائیلو د جنګ دختمیدا دڅرنګوالی په هکله د قطر د هغه وخت له خارجه وزیر او د امریکا د هغه وخت د ملی امنیت له سلاکار جان بولټن سره په ملګروملتونو کښې د اسرائیلو د سفیر کتنې ته په اشارې سره وویل اسرائیلو په خپلو تیرو ټولو شرطونو سترګې پټې کړې او مجبوره شو د لبنان دحزب الله غورځنګ شرطونه او اوربند ومنی او د حزب الله لپاره ډیر ستر بریالیتوب رامینځته شو .
