په ويانا کښې د ايران او څلور جمع يو ډلې صلاح مشورې دوام لري
په ويانا کښې په مختلفو سطحو او مختلفو عنوانونو سره د ايران او څلور جمع يو ډلې خبرې اترې روانې دي.
د اېرنا د رپوټ له مخې پرون د شورو په ورځ د ايراني مذاکراتي ټيم د مشر سيد عباس عراقچي او د دريو اروپائي هېوادونو د پلاو د مشرانوترمېنځ څلور اړخيزه ليدنې کتنې اوشوې.
سيد عباس عراقچي او د اروپائي اتحاديې د بهرنيو خدماتو د سرويس مرستيال مشر نريکه مورا هم ليدنې کتنې او خبرې اترې کړې دي.
له دې نه علاوه د سيد عباس عراقچي او د آسټريا د خارجه تر مېنځ هم کتنه اوشوه.
چې نن د جمعې په ورځ هم د مختلفو کارډلو د متنونو د څېړنې لپاره خبرې اترې دوام لري.
د برجام ايټمي موافقې د ګډ کمېشن د خبرو اترو دريم پړاو د تېرې نهې له ورځې څخه په ويانا کښې شروع شو او په دغه غونډه کښې ګډون کونکو د خبرو اترو په بهير کښې د چټکتيا په ضرورت تاکيد وکړ.
همدارنګ د ايران د خارجه وزارت د اعلان له مخې د امريکې د حکومت استازي د برجام ايټمي موافقې د ګډ کمېشن په غونډه کښې په مستقيمه او غېر مستقيمه توګه شتون نه لري او نه به ورسره خبرې اترې اوشي.
