پاړه چنار کښې بیا خونړۍ نښته شوې
Jul 09, 2023 07:28 Asia/Kabul
د پاکستان په پاړه چنار سیمه کښې د پټي په سر وسله والې نښتې کښې شپږ تنه وژل شوي او ۲۹ نور زخمي شوي دي.
د پاکستان د خبري چینلونو د رپورټ له مخې، له دغې خونړۍ پیښې وروسته په پاړه چنار ښار کښې امنیتي وضعیت اغیزمن شوی دی او امنیتي ځواکونه د ګرځبندیز په اعلانولو سره، د حالاتو د کنټرولولو کوشش کوي.
دغه نښته د شیعه او سني دوو ډلو ترمینځ د کرهڼیزې ځمکې د مالکیت په سر رامینځته شوې ده.
خو د پاکستان ځینې شیعه ډلې تندلاري عناصر په مختلفو پلمو په تیره بیا د ځمکې په سر د شخړې په پلمه په پاړه چنار کښې شیعیان هدف ګرځوي.
نزدې دوه میاشتې مخکښې هم په پاړه چنار کښې ۸ تنه شیعه مسلمان په یو ښوونځي کښې د امتحان په وخت د نامعلوم وسله والو په نښت کښې وژل شوي وو.
