عمران خان: پاکستان په افغانستان کښې د امريکې د سياستونو د ناکامۍ ذمه وار نه دے
د پاکستان وزيراعظم تاکيد وکړ، اسلام آباد د افغانستان په جنګ کښې د امريکې د امريکې د فوځي پالېسۍ د ماتې ذمه وار نه دے.
د تسنيم خبري آژانس د رپوټ له مخې عمران خان نن په اسلام آباد کښې خبريالانو ته وويل، پاکستان په افغانستان کښې د صلحې ټينګښت غواړي خو پکار نه دي اسلام آباد په افغانستان کښې د امريکې د غلطو سياستونو د ماتې ذمه وار وبلل شي.
هغه زياته کړه، پاکستان په افغانستان کښې د بې ثباتۍ له دوام څخه ډېر زيان زغملے دے او پاکستان په افغانستان کښې د ناامنۍ او جنګ د دوام ذمه وار هم نه دے.
په دې وروستيو کښې افغان ولسمشر محمد اشرف غني ويلي وو چې غواړی د دواړو هېوادونو د تعلقاتو د ښه کېدو او صلحې په بهير کښې د پاکستان د ملګرتيا د حاصلولو لپاره اسلام آباد ته سفر وکړي.
پاکستان او افغانستان کلونه اوشول د ډيورېڼد کرښې په شمول د ځينو مسائلو په باره کښې په خپلو کښې اختلاف لري او يو بل له ترهه ګرۍ څخه په ملاتړ تورنوي.
