کراچۍ کښې د القاعدې ترهګر عملیات شنډ کړې شول

د پاکستان امنیتي ځواکونو د دغه هیواد په کراچۍ ښار کښې د القاعده ډلې د ترهګرو عملیاتو مخه ونیوله.

د پاکستان پولیسو پرون وویل چې د دغه هیواد امنیتي ځواکونو د سند صوبې په مرکز کراچۍ ښار کښې په القاعده ډلې پورې د یو اړونده ترهګر په نیولو سره د دغې ډلې ترهګر عملیات شنډ کړل.

د القاعدې دغه نیول شوې ترهګر د بم ایښودلو پلانونکې دی چې مخکښې یې هم په پاکستان په تیره بیا کراچۍ کښې د ځینو ترهګرو بریدونو پلانونه کړې وه.

په کراچۍ کښې د القاعدې دغه ترهګر په داسې حال کښې ونیوې شو چې د پاکستان وزیراعظم عمران خان هم پرون له سیلاب وروسته د کراچۍ ښار د حالت د کتنې او پرې د غور لپاره دغه ښار ته تلې و.