پاکستان د هندوستان شاذدافیر وروباله
د پاکستان د بهرنیو چارو وزارت پرون د هندوستان په راجستان صوبه کښې د یوې ۱۱ کسیزې کورنۍ د شکمنې مړینې په پیښې باندې په اعتراض کښې، په اسلام آباد کښې د هندي سفارت شاذدافیر وروغوښته.
د پاکستان د بهرنیو چارو وزارت پرون د هندوستان په راجستان صوبه کښې د یوې ۱۱ کسیزې کورنۍ د شکمنې مړینې په پیښې باندې په اعتراض کښې، په اسلام آباد کښې د هندي سفارت شاذدافیر وروغوښته.
د پاکستان د خارجه وزارت چارواکو د هندوستان د سفارت شاذدافیر ته د دغه هیواد په خاوره کښې د ۱۱ پاکستانیانو د مړینې د پيښې په هکله د اسلام آباد سخت اعتراض اعلان کړ.
پاکستان د هندوستان په خاوره کښې د خپلو ۱۱ ښاریزو د مړینې د جزئیاتو د بیانیدو غوښتنه کړې ده.
د پاکستان د خارجه وزارت په خبره، دغه یوولس کسیزه پاکستاني کورنۍ د آګست په نهمه نیټه وژل شوې خو د دغې پيښې په هکله لازیاتو جزئیاتو ته د رسیدو لپاره له نوي ډیلې څخه د پاکستان د سفارت له بیابیا غوښتنو سره سره هندي لوري کومه خاص همکاري نه ده کړې او د دغو پاکستانیانو د مړینې علت لا نه دې معلوم شوی.
