چین په عراق کښې ۱۰۰۰ ښوونځي جوړوي
Dec 22, 2021 07:47 Asia/Kabul
د چین حکومت په عراق کښې د زرو ښوونځیو د جوړولو په هدف سره د یو تړون د لاسلیک کیدو خبر ورکړ
په عراق کښې د چین په مرسته د ښونځیو د جوړولو طرحه له وروستیو کړکیچونو نه پس د عراق په بیارغونه کښې د مرستې په لړ کښې د اقداماتو یوه برخه ده.
رپورټونه وايي چې د پاور چاینا Power China) په نوم یو حکومتي شرکت به په عراق کښې ۶۹۷ ښوونځي جوړ کړي او هم داشان ۳۲۱ نور ښوونځي به د ساینو ټک Sino Tech نومې چیني شرکت له خوا جوړ کړی شي.
د چین سوداګري کارپوهانو څرګنده کړې ده چې دغه تړونونه له عراق سره (سمدستي مرسته) ده.
د یونیسف UNICEF د رپورټ له مخې تقریباً ۳۲ لاکه عراقي ماشومان ښوونځیو ته لاسرسي نه لري.
په عراق کښې د امنیتي مسائلو له امله له څو کالو راهیسې د ښوونځیو د جوړولو پروژه بنده ده.
