لویدیځ هیوادونه باید د سوریې پرضد بندیزونه ختم کړي
الجزیره ټیلي ويژن راپور راکړی د سوریې د روغتیا وزارت د مرګوني زلزلې له کبله په رامینځته شوي کړکیچ کښې د دغه هیواد د خلکو پرضد د یواړخیزه بایکاټونو د سمدستي ختمیدا غوښتنه وکړه.
په سوریې کښې د زلزلې د مړو شویو کسانو شمیر تراوسه څه د پاسه درې زره تنو او د ژوبلو شمیر هم شپږ زره یوسلو ته رسیدلی.
د سوریې د روغتیا وزیر حسن محمد الغباش پرون وویل مونږ د سوریې د خلکو او د حکومت پرضد د لویدیځو هیوادونو د بایکاټونو او د کلابندۍ د ختمیدا غوښتنه کوو.
هغه دې ته په اشارې سره چې تر نن ورځې پورې په سوریې کښې د تیرې دوشنبې ورځې زلزلې څه د پاسه درې زره کسان وژلي دي وویل سوریه له مرګونو ورانیو سره لاس او ګریوان ده.
له دې مخکې د سوریې ولسمشر بشار اسد په یوې وینا کښې ویلي وو په داسې حالاتو کښې چې سوریه هماغه راز د زلزلې له کبله له مشکلاتو او له بایکاټونو سره مخامخ ده امریکا ډیر هیوادونه تر دباو لاندې وروستلي دي چې له سوریې سره دې مرستې ونکړي.
امریکا له بریتانیا، فرانسې ، سعودي عربستان، متحده عربي اماراتو، صهیونیسټ رژیم او نورو عربو او اروپايي هیوادونو سره یوځاې په سوریې کښې د ترهګرو ډلو اصلي ملاتړي ګڼل کیږي.
