له وحشي صهیونیسټي رژيم سره دې عربان غړیکې غوڅې کړي
د فلسطین داسلامی مقاومتی غورځنګ حماس یوه مشر پر اسلامی او عربو هیوادونو غږ کړی څو له نیواکګر رژيم سره دې خپلې اړیکې غوڅې کړي.
فارس خبری آژانس راپورورکړ، د حماس غورځنګ یوه مشر اسامه حمدان په یولړ وروستیو څرګندونو کې ټينګار کړی دی ،عربی اواسلامی هیوادونه او ملګرو ملتونه دې د فلسطین له غزې سره دانسان دوستۍ د کریډورونو دپرانیستلو لپاره خپلې هڅې لازیاتې کړي.
حمدان زیاته کړې مونږ ددرستې نړۍ د پتمنو خلکو ډيره قدرداني کوو او له هغوي غواړو چې خپلو خوځښتونو ته دې دوام ورکړي اواسرائیلي محصولات او شیان دې بایکاټ کړي .
دحماس غورځنګ دغه مشر له عربی او اسلامی هیوادونو څخه له نیواکګر او جنایتکار رژيم سره د اړیکو دغوڅولو او له تل ابیب څخه د خپلو سفیرانو دبیرته ګرځولو غوښته وکړه.هغه ټينګار کړیدی ، عربی او اسلامی هیوادونو څخه غواړو چې د غزې تړانګې د مظلوم ولس په وړاندې دې پخپل سیاسی او اخلاقي مسئولیّتونو عمل وکړي.
د فلسطین د اسلامی مقاومتي غورځنګ حماس د ۱۹۷۳کال د اکتوبر د شپږمې نیټې د جنګ د پنځوسمې کلیزې په مناسبت هم په یوې اعلامیې کې اعلان کړی ؤپه دې مناسبت له ټولو عربو او مسلمانو وروڼو څخه چې له نیواکګر رژیم سره د اړیکو د عادي کولو لارې ته کاږل شوي دي ،غواړو ،څو له دغې لارې بیرته وغړیږي چې له قدس او الاقصی جومات ته هیڅ خدمت نه کوي.
