بحریني مظاهره چیانو د شیخ عیسی قاسم د کور د محاصرې په ختمیدو ټینګار وکړ
د آل خلیفه رژيم پوځیانو پرله پسې په اتیایمه اونۍ په الدُراز سیمه کښې چرته چې د شیخ عیسی قاسم کور دی، د شیعه مسلمانان د جُمعې د لمانځه مخه ونیوله.
د بحرین خلکو د خپل هیواد د مشهور عالم شیخ عیسی قاسم د کور د کلابندۍ د غندنې په موخه د هیواد په مختلفو سیمو کښې د آل خلیفه رژيم خلاف مظاهرې وکړې.
ایرنا د بحریني فعالانو په حواله خبر ورکړی چې د بحرین خلکو بیګا د پلازمینې منامې په شمول مختلفو سیمو او ښارونو کښې د شیخ عیسی قاسم په ملاتړ کښې شعارونه ورکړل.
بحریني مظاهره چیانو د شیخ عیسی قاسم د کور د محاصرې په ختمیدو ټینګار وکړ.
په عین حال کښې د آل خلیفه رژيم پوځیانو پرله پسې په اتیایمه اونۍ په الدُراز سیمه کښې چرته چې د شیخ عیسی قاسم کور دی، د شیعه مسلمانان د جُمعې د لمانځه مخه ونیوله.
د آل خلیفه رژيم له دې کار وروسته په الدراز سیمه کښې د دغه رژيم خلاف پراخې مظاهرې وشوې.
یاده دې وي چې آل خلیفه رژيم د شیخ عیسی قاسم د تابعیت په سلبولو او د هغه په محاکمې سره د ۲۰۱۶ کال له جون میاشتې راهیسې د دغه دیني عالم د کور خواوشا (الدُراز سیمه) کلابنده کړړې ده. او له همهغه وخت راهسیې د بحرین یوه ډله ځوانانو د علمانو په مشرۍ په دغې سیمې کښې د شیخ عیسی قاسم د کور خواوشا د هغه د دفاع په نښه اعتراضي پرلتۍ وهلې دي.
