چین کې په تېره یوه اونۍ کې د کرونا له امله ۱۳زره تنه مړه شوي

چین کې په تېره یوه اونۍ کې د کرونا له امله ۱۳زره تنه مړه شوي

د چین هېواد په روغتونونو کې د کرونا له امله د محدودیتونو له ختمیدو وروسته د ناروغانو ګڼه ګوڼه زیاته شوې چې په تېره یوه اونۍ کې د دې وبا له ۱۳ زره تنه مړه شوي دي.

د سين هوااژانس د خبر له مخې، د جنورۍ له ۱۳مې نېټې څخه تر ۱۹مې نېټې پورې په چين کې د کرونا له امله څه باندې ۱۳ زره نوې مړينې ثبت شوې، چې په دغو مړينو کې په کور دننه مړينې شاملې نه دي.

د جمهور آژانس د خبر له مخې د چین په روغتونونو کې د جنورۍ له  ۸ مې تر ۱۲مې نیټې شاوخوا ۶۰ زره کسان مړه شوي دي.

طبي کارپوهانو وېره څرګنده کړې چې په چين کې د نوي قمري کال د رخصتيو په پيلېدو سره ښايي د کرونا ويروس نور هم خپور شي.