د اذربایجان جمهوریت او د ارمنستان د جنګ احتمال شته
زمونږ خبریال راپور راکړی د ارمنستان د بهرنیو چارو وزیر ارارات میرزویان د اذربایجان جمهوریت او د خپل هیواد ترمینځ د جنګ د بیا پیلیدا احتمال ورکړ.
د ارمنستان او د اذربایجان جمهوریت عسکرو په دوه زره شلم میلادي کال کښې تر څلورڅلویښتو ورځو پورې جنګ وکړ او دغه جنګ د روسیې په مینځګړیتوب او د اوربند د موافقې په لاسلیک کیدا سره پاې ته ورسید.
خو اوس هم د دواړو هیوادونو په اړیکو کښې تاوتریخوالی شته.
ارمنستان د سولې د موافقې له لاسلیک کیدا راهسې تراوسه څو ځله اذربایجان جمهوریت د اوربند په خلاف ورزیو تورن کړی دی.
اذربایجان جمهوریت د تیر میلادي کال د دسمبر دمیاشتې په دولسمه نیټه د لاچین کوریډور په نوم د ارمنستان غرنۍ سیمه قره باغ ونیوه او په دغه اقدام سره تاوتریخوالي له مخکې څخه زیات شو.
د ارمنستان خارجه وزیر ارارات میرزویان په دې زمینه کښې له اذربایجان جمهوریت سره د جنګ د خطر احتمال ورکړ.
هغه وویل د سیمې حالات اوس هم ګډوډ دي او د جنګ د بیا پیلیدا احتمال جدي دی.
