امریکاد چین،پاکستان او روسیې په لسګونو شرکتونه په تور لیسټ کې ورزیات کړل
له واشنګټن ډی سي څخه خبرو سرچینو راپور ورکړی، د امریکا دتجارتي چارو وزارت د نورو ۳۷بهرنیو شرکتونو دنامو په زیاتولو سره خپل تور لیسټ اپډیټ کړ.
فارس خبری آژانس راپور ورکړ،د امریکا تجارتي چارو وزارت د چین،روسیبې، پاکستان،سپینې روسیې،میانمار او څو نورو هیوادونو د ۳۷شرکتونو نامې دخپل تجارت په تور لیسټ کې ورزیات کړل.
په راپور کې وئيل شوي دي،امریکا د خپل ملی امنیت او ملی ګټو د ساتنې په پلمه دنړۍ له نورو هیوادونو سره د امریکا دبندیزي جنګ له سختیدا سره په یووخت خپل تور لیسټ ته د مختلفو هیوادونو د ۳۷شرکتونو نامې ورزیاتې کړي دي.
له واشنګټن ډی سي څخه خبرو سرچینو راپور ورکړی، د امریکا دتجارتي چارو وزارت د نورو ۳۷بهرنیو شرکتونو دنامو په زیاتولو سره خپل تور لیسټ اپډیټ کړ.
په راپور کې دا هم وئیل شوي دي ، د امریکا تجارتی چارو وزارت پخپل یوه نوي اقدام کې دغه لیسټ ته نور د چین ۲۸شرکتونه، د پاکستان څلور، د میانمار درې ،دروسیې ، سپينې روسیې او تایوان یو یو شرکت دغه تور لیسټ ته ورزیات کړي دي.ددغه اقدام په توجیه کې راغلي دي ، دغو شرکتونو د ایالات متحده دبهرني سیاست یا ملی ګټو سره په تضاد کې په فعالیتونو کې ګډون لري.
