چین د امریکا په ادعا وړ ډیموکراسۍ نیوکه وکړه
الجزیرې ټيلي ويژن راپور ورکړ د چین د بهرنیو چارو د وزارت ویاند د امریکا په ادعا وړ ډیموکراسۍ نیوکه وکړه.
د چین د باندنیو چارو وزارت ویاند وانګ ون بین پرون په امریکا باندې نیوکې سره وویل د واشنګټن اقدامات له نفاق سره یوځاې دي او امریکا له ډیموکراسۍ څخه د خپلو هدفونو د خدمت کولو او دغه راز د نړۍ د ویشلو لپاره د یوه اوزار په توګه استفاده کوي.
هغه وویل د چین ولسمشر شي جین پینګ د روسیې له ولسمشر ولادیمیر پوتین سره په کتنه کښې له ماسکو د پیکینګ په ملاتړ او دغه راز د نړیوالو شخړو په سوله ئیز ډول په حل کولو ټینګار وکړ.
وانګ ون بین وویل د چین ولسمشر شي جین پینګ د اوکراین د کړکیچ د حل لپاره یو وړاندیز مطرح کړی دی او مونږ له ټولو لورو سره په تماس کښې یوو.
په دغه وړاندیز کښې د اوربند ټینګیدل، د ساړه جنګ د نظریې څنګ ته کول او د سولې د خبرو اترو له سره پیلیدل شامل دي.
