پوتین د شانګهای همکارۍ سازمان غړو هېوادونو لومړي وزیرانوسره ولیدل
پارس ټوډی - د روسیې ولسمشر په کرملین ماڼۍ کې د شانګهای همکارۍ سازمان (SCO) د غړو هېوادونو له لومړی وزیرانو او لوړپوړو چارواکو سره وکتل
د روسیې ولسمشر «ولادیمیر پوتین» په کرملین ماڼۍ کې له هغو لومړی وزیرانو او لوړپوړو چارواکو سره وکتل چې د شانګهای همکارۍ سازمان د حکومتونو د مشرانو شورا ګډون لپاره مسکو ته تللي وو.
په دې کتنه کې د ایران د ولسمشر لومړی مرستیال«محمدرضا عارف»، د روسیې لومړی وزیر«میخاییل میشوستین»، د بلاروس لومړی وزیر«الکساندر تورچین»، د قزاقستان لومړی وزیر«اولجاس بکتنوف» ، د قرغزستان لومړی وزیر«ادیلبک قاسمعلییف»، د تاجکستان لومړی وزیر«کوهیر رسولزاده» او د ازبکستان لومړي وزیر «عبدالله عریپوف» ګډون درلود.
د هند بهرنیو چارو وزیر همدارنګه «سوبرهمانیام جایشنکار»، د پاکستان بهرنیو چارو وزیر «محمد اسحاق دار» او د شانګهای همکارۍ سازمان عمومي منشي «نورلان یرمکبایف» په دې ناسته کې ګډون کړی و.
له دې ناستې مخکې، د شانګهای همکارۍ سازمان د حکومتونو د مشرانو شورا په «د روسیې ملي مرکز پلیټفارم» کې جوړه شوې وه چې میشوستین یې مشري کوله.
