د ایران او انډونیشیا خارجه وزیرانو سره وکتل
په استنبول کښې د اسلامي ملګرتیا تنظیم د غړو هیوادونو د خارجه وزیرانو د بیړنۍ غونډې ترڅنګ د عربستان د بهرنیو چارو وزیر عادل الجبیر هم له ښاغلي ظریف سره ستړې مه شي وکړل او لاس یې ورکړ.
د ایران د بهرنیو چارو وزیر د ترکیې په استنبول کښې د قدس او فلسطین په موضوع سره د اسلامي ملګرتیا سازمان د خارجه وزیرانو د بیړنۍ غونډې ترڅنګ د انډونیشیا له خارجه وزیرې سره وکتل.
د ایران د بهرنیو چارو وزیر محمد جواد ظریف او د انډونیشیا خارجه وزیرې رِتنو مرسودي پرون په دغه کتنه کښې د دوه اړخیزو اړیکو او سیمه ایزو موضوعات په هکله خبرې اترې او د نظر تبادله وکړه.
په عین حال کښې په استنبول کښې د اسلامي ملګرتیا تنظیم د غړو هیوادونو د خارجه وزیرانو د بیړنۍ غونډې ترڅنګ د عربستان د بهرنیو چارو وزیر عادل الجبیر هم له ښاغلي ظریف سره ستړې مه شي وکړل او لاس یې ورکړ. د ایران خارجه وزیر د عادل الجبیر دغه کار په ډیپلماټیک عُرف کښې یو عادي حرکت وباله. هغه وویل چې د عربستان د بهرنیو چارو د وزیر دغه کار د متقابل احترام او د لرغونې دوستۍ له امله و.
