دوه کشمیریان د هندي پوځیانو په ډزو کښې ووژل شول
Nov 29, 2018 15:30 Asia/Kabul
د هندوستان تر کنټرول لاندې کشمیر کښې په خلکو باندې د هندي پوځیانو په ډزو کښې دوه کشمیریان ووژل شول.
دغه دوه کشمیریان نن سهار د هند تر کنټرول لاندې کشمیر په پُلواما سیمه کښې له هندي پوځیانو سره په نښته کښې ووژل شول.
د هندوستان پوځ ویلي چې دغه وژل شوي کشمیریان د حزب المجاهدین غړي دي.
په تیرو دوویشتو ورځو کښې د هند تر کنټرول لاندې کشمیر کښې هندي پوځیانو ۲۲ کشمیریان وژلي دي.
د یادو ځپنو او وژلو په ځواب کښې د کشمیر خلکو هم پراخې مظاهرې کړې دي. هغوي د کشمیریانو خلاف د هندوستان د امنیتي ځواکونو د بریدونو په غندلو سره له خپلې سیمې د هندي ځواکونو د وتلو غوښتنه کړې ده.
