په کشمير کښې د قدس د نړيوالې ورځې په مظاهرو کښې مرګ ژوبله رامنځته شوه

د پاکستاني رسنيو د هند ترکنټرول لاندې کشمير کښې د قدس د نړيوالې ورځې د مظاهرو په دوران کښې له هندي ځواکونو سره په نښتو کښې د يو شمېر مظاهره کونکو د شهيدېدو او ژوبلېدو خبر ورکړ.

د پاکستان رسنيو وليکل د هند ترکنڼرول لاندې کشمير په مختلفو سيمو کښې د قدس د نړيوالې ورځې په مناسبت په سلګونو لاريونونه او مظاهرې وشوې او پکښې کشميري مسلمانو روژتيانو د امريکې او اسرائيلو په خلاف د سخت  کرکې او قهر څرګندونه وکړه.

په دغو رپوټونو کښې راغلي دي چې د کشمير په ځينو سيمو کښې  دغو مظاهرو کښې له هندي ځواکونو سره په نښتو کښې درې کشميري مسلمانان شهيدان او ګڼ شمېر نور ژوبل شول.