د هند تر کنټرول لاندې کشمیر کښې دوه تنه ووژل شول
Jul 01, 2019 07:38 Asia/Kabul
د هندوستان تر کنټرول لاندې کشمیر کښې د دغه هیواد د پوځیانو او بریدګرو ترمینځ نښته کښې دوه تنه حمله کونکي وژل شوي دي.
تسنیم خبري آژانس لیکلي چې د هند تر کنټرول لاندې کشمیر په بډګام سیمه کښې د هندي پوځیانو او وسله والو بریدګرو ترمینځ نښته کښې دوه حمله کونکي په ډزو وژل شوي دي.
کلونه وشول چې هندوستان د زرګونو پوځیانو په دیره کولو سره د کشمیر ځینې سیمې تر خپل کنټرول لاندې راوستې دي او په تیرو دریو لسیزو کښې یې لسګونه زره کشمیریان وژلې دي.
د کشمیر خلکو د دغې سیمې د وضعیت د ټاکل کیدو لپاره د ټولپوښتنې ترسره کولو په هکله د امنیت شورا د پریکړه لیک د اجرا غوښتونکې دي خو د هندوستان حکومت ورسره تل مخالفت کوي.
