ریپبلیکن ګوند د ایران پرضد نور بندیزونه غواړي
فارس خبري اژانس وايي د امریکا په ولسي جرګې کانګرس کښې د ریپبلیکن ګوند غړیو پرون د ایران پرضد د نویو بایکاټونو د لګولو لپاره خپل پلان وړاندې کړ .
د امریکا د ریپبلیکن ګوند په دغه یوسل یولس (۱۱۱) مخیز پلان کښې د ترهګرو ډلو په فهرست کښې د یمن د انصار الله غورځنګ د شاملولو او له لبنان سره د امریکا د مرستې د غوڅولو په شمول د ایران په وړاندې د سیاستونو په زمینه کښې سپارښتنې شوي دي .
نوموړي پلان چې د امریکا د ریپبلیکن ګوند د دیارلسو (۱۳) استازیو لخوا په کانګرس کښې د دغه ګوند د مطالعاتو د کمیټۍ لخوا وړاندی شو په حکومت غږ کړی د ایران په وړاندې سخت بهرنی سیاست غوره کړي .
د امریکا د ریپبلیکن ګوند استازیو په دې سربیره د ایران د اسلامي انقلاب له سپاه پاسداران ، د لبنان له حزب الله او د افغانستان له طالبانو د روسیې د ملاتړ په ادعا سره د حکومتي ترهګرۍ د ملاتړي په توګه د روسیې د اعلانولو غوښتنه وکړه .
د امریکا دغه تورونه په داسې حال کښې دي چې واشنګټن په خپله له بریتانیا ، فرانسې ، سعودي عربستان ، متحده عربي اماراتو ، بحرین ، اردن ، اسرائیلو او نورو ډیرو عربو او اروپايي هیوادونو سره یوځاې په ټوله دنیا کښې د ترهګرو ډلو په تیره بیا د القاعده او د داعش وهابي صهیونیسټي تکفیري ډلو اصلي جوړونکی او ورسره مالي ،پوځي او استخباراتي مرسته کونکي هیواد دی .
