Netanyahu e përjashtoi ministrin e linjës së ashpër nga takimi i sigurisë
Pas përshkallëzimit të mosmarrëveshjeve mes ministrave të kabinetit radikal të regjimit sionist, kryeministri i këtij regjimi e përjashtoi ministrin radikal të sigurisë së brendshme nga pjesëmarrja në mbledhjen e sigurisë.
Burimet e lajmeve njoftuan se takimi urgjent i sigurisë i kabinetit sionist i kryesuar nga Netanyahu do të mbahet të dielën. Gazeta Maariv raportoi se Netanyahu do të mbajë një takim urgjent për të shqyrtuar situatën e sigurisë. Sipas raportit të gazetës sioniste Yediot Aharonot, kryeministri i regjimit sionist, Benyamin Netanyahu, e përjashtoi Itamar Ben Gvir ministri radikal i sigurisë së brendshme të këtij regjimi, nga takimi i sotëm i sigurisë dhe nuk e ftoi në këtë takim. Faqja sioniste Walla zbuloi gjithashtu se kjo është hera e dytë që Netanyahu e përjashton Ben Gvir nga pjesëmarrja në një takim të tillë. Një burim i informuar i sigurisë zbuloi se Netanyahu nuk e ftoi Ben Gvir të merrte pjesë në takimin e sigurisë, sepse ministri radikal po përpiqet të bëjë propozime që konsiderohen të rrezikshme për regjimin izraelit. Propozimet e Ben Gvir përfshijnë rifillimin e politikës së terrorit, parandalimin e hyrjes së punëtorëve nga Gaza në territoret e pushtuara, si dhe mbylljen e plotë të zonave të Bregut Perëndimor.
