Pars Today

Pars Today/sq- Ndoshta, ju mund t'i keni kërkuar Google Chrome që të hyjë në një faqe lajmesh ose në një faqe politike, ndërsa Google Chrome ju ka penguar me pretekstin se jeni të pasigurt. Kjo pengesë pritet të rritet pasi Agjencia e Shteteve të Bashkuara për Zhvillim Ndërkombëtar (USAID), duke paraqitur një dokument, ka treguar se do të rrisë censurën dhe do të parandalojë publikimin e informacionit që është në kundërshtim me interesat e qeverisë së këtij vendi.

Sipas raportit të uebsajtit të lajmeve Mintpress, dokumenti i paraqitur nga USAID zbulon se si qeveria bind platformat teknologjike, institutet mediatike dhe promotorët që të bashkëpunojnë me njëri-tjetrin për të censuruar pjesë të mëdha të internetit. Duket se USAID-i do të fokusohet kryesisht në zbulimin e informacionit online të individëve që sfidojnë publikimet zyrtare të qeverisë amerikane dhe në tërësi, vënë në sfidë të gjithë sistemin duke ngritur pyetje.

Ky dokument synon të vendosë kontrollin mbi videolojërat dhe mesazhet online, të distancojë individët nga mediat që nuk janë në përputhje me sistemin qeverisës të SHBA-së dhe përdoruesit të kthehen në faqet e internetit që pëlqehen më shumë nga e ashtuquajtura elitë. Prandaj, qeveritë duhet të bashkëpunojnë me promovuesit në një përpjekje për të penguar organizatat që nuk janë në një linjë me rrymat zyrtare. Për më tepër, grupet e mbështetura nga qeveria, si Bellingcat, GRaphika dhe Këshilli Atlantik prezantohen si liderët e luftës kundër informacionit të pasaktë. Ky raport i kushton vëmendje lojtarëve dhe lojërave video dhe bën thirrje për kontrollin e tyre në mënyrën se si kontrollohen platformat e mediave sociale.

Mbrojtësit e këtij dokumenti pretendojnë se kritikët mund të publikojnë informacione të pasakta në platformat e lojërave si Tëitch. Kjo u mundëson përdoruesve të veprojnë të koordinuar në mënyrë që të rrisin ndjekësit dhe të publikojnë përmbajtje në faqet e mëdha të mediave sociale si Facebook dhe Tëitter. Kështu, edhe platformat që përgjigjen me audiencë të kufizuar dhe shumë të veçantë do të jenë jashtëzakonisht efektive.

Informacione të pasakta ose realitete të padëshiruara

USAID-i ka pohuar se, përveç "informacionit të pasaktë", dëshiron të luftojë "informacionet e dëmshme". Informacione të dëmshme janë subjektet të cilat janë të sakta, por, bazuar në politikëbërjen e kësaj agjencie, konsiderohen jashtë kuadrit qeverisës. Sipas këtij përkufizimi, çdo përmbajtje - pavarësisht nëse është e saktë - e cila është e dëmshme ose e padëshirueshme për interesat e qeverisë amerikane, potencialisht mund të censurohet. Kjo agjenci beson se mediat e pavarura dhe platformat e lira sociale, përmes krijimit të një klime për shtimin e informacionit dhe pikëpamjeve të ndryshme dhe narrativave paralele, shkaktojnë rritjen e informacionit kritikues.

Ky raport prezanton platformat si Reddit, Discord dhe Chan4 si "faqet e internetit konspirative" të cilat mund të ndihmojnë grupe të ndryshme të krijojnë "ekspertizë populiste" dhe të përhapin pikëpamje alternative për qeverisjen amerikane dhe përfundimisht të sfidojnë qeverinë amerikane. Përveç faqeve të internetit të lojërave, këto platforma gjithashtu duhet të bllokohen dhe të lihen në harresë. Gjatë dekadës së fundit, organizatat qeveritare amerikane kanë punuar krah për krah me kompaninë "Silicon Valley" në përpjekje për të mbështetur heqjen e aksesit të mediave alternative që vënë në dyshim fuqinë e tyre absolute. Kjo tregon ambicien në rritje të Uashingtonit.

Përçmoni ata që janë kundër "nesh"

Një nga teknikat më të rëndësishme të USAID-it për të shtypur median e pavarur është të mbështesë mediat e lidhura dhe promovuesit e narrativës zyrtare të qeverisë nëpërmjet propagandës dhe eliminimit të mundësive të mirëmbajtjes financiare të mediave kritike dhe sfiduese. Një mënyrë tjetër e këtij institucioni është të parandalojë publikimin e këtyre mediave kritike në çdo mënyrë të mundshme duke përfshirë “zhvlerësimin e markës së tyre, reputacionit dhe prestigjit të kundërshtarëve”.

Platformat si Google, Facebook dhe Youtube kanë ndryshuar algoritmet e tyre për të ulur përmbajtjen "kritike" dhe për të promovuar narrativën e burimeve të favorshme për sistemin në pushtet. Rezultati është se faqet e lajmeve kritike me cilësi të lartë dëshmuan reduktimin e trafikut të tyre brenda natës; por mediat tradicionale si CNN dhe NBC Neës, të cilat janë mposhtur në arenën online, hasën shkallat më të larta të kërkimit.

Shtëpitë e grushtit të shtetit dhe informacioneve të pasakta

USAID ka një histori të gjatë në promovimin e informacionit të pasaktë për të çuar përpara interesat e SHBA-së dhe ky program i ri për censurën ekstremiste ka rritur shumë shqetësimet. Në vitin 2021, kjo organizatë qëndronte pas përpjekjes për revolucion me ngjyra (kryengritjen e avokatëve) në Kubë. USAID-i ka kohë që ndërhyn në Kubë dhe ka hartuar skema të panumërta, si infiltrimi në skenën e muzikës Hip-hop të vendit dhe përpjekjet për ta organizuar atë si një forcë revolucionare antiqeveritare.

11 vjet më parë, USAID krijoi fshehurazi një rrjet social ekskluzivisht për Kubën me emrin Zunzuneo. Asnjë prej mijëra përdoruesve të këtij aplikacioni nuk e dinte që qeveria amerikane e ka projektuar dhe prezantuar atë në mënyrë të fshehtë në treg. Ky ishte koncepti për të krijuar një shërbim të madh për të kontrolluar Kubën dhe dalëngadalë të fillonte të promovonte idenë e ndryshimit të regjimit dhe të drejtonte përdoruesit drejt protestave me qëllim rrëzimin e qeverisë.

USAID ishte gjithashtu bashkëpunëtor në grushtin e shtetit të vitit 2002 në Venezuelë. Ky grusht shteti çoi në përmbysjen e presidentit të atëhershëm të zgjedhur në mënyrë demokratike "Hugo Chavez" dhe zëvendësimin e tij me një diktator pro-SHBA. Që atëherë, USAID është përpjekur, nëpërmjet mënyrave të ndryshme, duke përfshirë ndihmën financiare për presidentin e vetëquajtur "Juan Guaido" për të rrëzuar demokracinë venezueliane.