Amerika dhe sekti i Izraelit: Diktatura e pakicës mbi shumicën amerikane
Pars Today/sq- Që kur Izraeli u deklarua si shtet në vitin 1948, ai ka bërë një luftë ideologjike kundër së vërtetës.
Dominimi në Amerikë
Para operacionit "Stuhia Al-Aksa" më 7 tetor, Izraeli kishte arritur të krijonte një bashkësi të sekteve fetare dhe politike në Shtetet e Bashkuara që kontrollonin efektivisht narrativat e ndryshme rreth Izraelit dhe bënin të heshtnin zërat kundërshtues. Narrativa e pazakontë e Izraelit kishte depërtuar në mënyrën e të menduarit dhe fjalorin e politikanëve amerikanë, akademikëve, figurave të shquara të krishtera, mediave kryesore dhe në fund të shumicës së amerikanëve. Çuditërisht, pas qindra raporteve, si ato të Amnesty International, Human Rights watch dhe B'Tselem, që dokumentojnë historinë 76-vjeçare të vjedhjes së tokës, aparteidit, shtypjes, torturës dhe gjenocidit të Izraelit, besnikët e Izraelit mbeten të palëkundur.
Politika e mbytjes
Këto ditë një ngjarje ka bërë bujë të madhe. Një punonjës i shtypit dhe medias të Uashingtonit ka humbur punën e tij prej 57 vjetësh pasi ai publikisht vuri në dyshim dhe diskutim mbështetjen e SHBA-së për Izraelin. Ai më vonë tha: Në këtë vend nuk mund të kritikosh Izraelin dhe të qëndrosh i gjallë. Mehdi Hassan, prezantuesi popullor i programit javor të MSNBC, është gjithashtu një nga shembujt e fundit të një gazetari që është dënuar për mbështetjen e palestinezëve dhe kritikimin e Izraelit. Organizatat dhe kompanitë e lajmeve si MSNBC përballen me një presion të madh nga rrymat sioniste nëse ata tërhiqen nga niveli i diskursit "të pranueshëm për regjimin izraelit". Prandaj, ata i janë shmangur rrëfimit të vuajtjeve palestineze dhe janë bërë në thelb një krah i rrjetit propagandistik të Tel Avivit.
Prioriteti i Amerikës dhe lufta e Netanyahut
Për më shumë se shtatë dekada, prioriteti kryesor i Amerikës ka qenë të garantojë sigurinë e bazave të saj në Azinë Perëndimore. Që nga hyrja e tij në Senat në vitin 1973, Biden ka qenë një "mik i Izraelit" dhe shpesh thotë: "Unë jam një sionist". Administrata Biden vazhdon ta mbështesë atë në mënyrë të pamatur, edhe pse Izraeli vazhdon të nxisë një luftë më të gjerë në rajon, duke kryer sulme ajrore vdekjeprurëse në Liban dhe Siri. Këto mbështetje vijnë teksa publiku amerikan dhe madje disa emigrantë hebrenj në Izrael po protestojnë kundër agresionit të planifikuar tokësor të Tel Avivit kundër Gazës dhe qytetit Rafah. Netanyahu ka shpenzuar dekada kohë duke u përpjekur të bindë botën se Irani është një kërcënim dhe është munduar ta fusë Shtetet e Bashkuara në një luftë me Teheranin. Që nga sulmi i tetorit, Netanyahu ka përshkallëzuar luftën e tij të pashpallur kundër Iranit dhe është i vetëdijshëm për lëvizjen në kuadër të interesave të tij. Sipas vlerësimeve, kjo mund të largojë vëmendjen e botës nga gjenocidi në Gaza dhe të rreshtojë një pjesë të forcave të brendshme dhe opinionit publik përkrah tij dhe shtyjnë afatin e vdekjes së tij politike. Çmenduria e Izraelit në Gaza dhe në territoret e pushtuara drejtohet nga logjika e gjenocidit, e cila është pjesë përbërëse e qëllimit të Izraelit për të krijuar një etni unike fetare në botë. Së fundi, duhet ditur se Izraeli dhe sekti i tij në Amerikë kanë përdorur çdo mjet për të thyer frymën e rezistencës palestineze dhe për ta kthyer Palestinën në një koloni të përhershme të këtij regjimi dhe e di shumë mirë se Uashingtoni ka qenë gjithmonë partner dhe mbështetës i planeve kriminale të Izraelit.
