Kəmalvəndi: ətom enerji beynəl xalğ təşkilati raportonədə bə be əsos informasiyaon xatircəm bey qıləy xətərnok bidəte.

İroni ətomi enerji təşkilati sıxənəvot anti İron tojə təsdiğ bıə ğətnomə barədə votışe: ətom enerji beynəl xalğ təşkilati tərəfo bə İronıjə ittihamon bə be əsosə iformasiyaon əsose.

Behruz Kəmalvəndi ətom enerji beynəl xalğ təşkilati tojə anti İron ğətnomə tənğidış karde və votışe: pesoxtə bıə məlumaton sionist rejimi cəsusə təşkilati tərəfo hozzo bıə.

Kəmalvəndi bə jıqonə be əsos raporton istinod karde qıləy xətərnok bidət zınəş be və ım təşkilati tərəfo İroni komil həmkarion vədə çəşi basteku ıştə təəssufi bəyonış karde.

İroni ətomi enerji təşkilati sıxənəvot təkidış karde ki İron bə Yolə Rəhbəri fətva əsos ətomiyə silahon soxte ya xot ambo karde hərom zınəydə və ıştə ətomiyə fəaliyətonku hiç çəy məxfi kardəş ni.

Əv votışe ki İron jıqonə siyasi fişaron vədə təslim ni bəbe.