Kəmalvəndi:Nətənzı hadisə İronədə urani qəncin karde surəti vəy əqət ni

İroni atom enerji təşkilati sıxanəvoti votışe:Nətənzı hadisə məmləkəti urani qəncin karde fəaliyətdə heç qılə problem icod nibəkay və votışe:Nətənzı orani qəncin kardə mərkəzədə ziyan vində vırə soxteyu lozim bə ğərolon nəzədə qətə bə.

İroni atom enerji təşkilati sıxanəvoti votışe:Nətənzı hadisə məmləkəti orani qəncin karde fəaliyətdə heç qılə problem icod nibəkay və votışe:Nətənzı orani qəncin kardə mərkəzədə ziyan vində vırə soxteyu lozim bə ğərolon nəzədə qətə bə.

Dəvardə 5 şanbə sıbə vaxti İroni mərkəz Nətənzı orani qəncin kardə mərkəzi qıləy baxş de hadisə dim bə dim be.

Behruz Kəmalvəndi de İRNA təşkil doə votımonədə hadisə vində vırə həxədə votışe:ım məcmuə atom sazışi mıştərəkə məhdodiyəton xoto de komilə zərfiyət ko kardə nıbı və eyne holədə,saloni komil karde  holədə bimon ki desbə hadisə ruji həm ə fəaliyyəton dəvomış hest bı.

Kəmalvəndi votışe:de xoşbəxtiyəti Nətənzı hadisə tələfatış nıbı əmmo bə maliyə ziyan bois be və əlavəş karde ım hadisə mumkine bə inkişaf rəsə santrifiyoq maşinon iyən istihsalədə miyon mıddətə bərnamon surəti tikəy kam bıkə əmmo İronıjə mıtəxəssisə cıvonon 24 saatə fəaliyətonədə ve rəv cubran bəbe.